Real Madrid Club de Fútbol yakuwi sawijining klub bal-balan utawa sepak bola Spanyol kang paling sukses ing donya ana ing abad ke-20 miturut Fédération Internationale de Football Association, dibuntuti Manchester United ing posisi kaloro. Didegaké ing 6 Maret 1902, Madrid main ing Divisi Utama Liga Spanyol utawa kang dikenal minangka Primera División. Wiwit kompetisi iku dimulai ana ing taun 1928, Madrid durung naté dididegradasiaké menyang divisi ngisor. Klub iki asliné sesulih Madrid Club de Fútbol, nanging diidinaké nggunaaké gelar Real sakwisé Raja Alfonso XIII saka Spanyol maringi idin resmi marang klub mau ana ing sasi Juni 1920.
Madrid main nganggo kostum putih-putih, saéngga dijuluki Los merengues (Tim putih). Kandangé dumunung ana ing Stadion Santiago Bernabeu kang kapasitasé 80.354 penonton.
Wiwit sawetara taun pungkasan, Madrid dikenal minangka tim kang tuku pemain-pemain top donya, lan merga saka kuwi diwènèhi julukan anyar Los galácticos (tim galaksi).
Ana kaptene sing main sanget yaiku Iker Casillas Fernández.
Iker Casillas Fernández (lair 20 Mei 1981) inggih menika pemain bal-balan ingkang nggadhahi posisi minangka kiper tim nasional Spanyol. Casillas dados kiper Spanyol nalika dados juara donya ing Piala Dunia 2010. Samenika Casillas main ing klub LA-LIGA Spanyol, Real Madrid. Menawi tandhing bal-balan Casillas asring dipundadosaken kapten tim. Casillas dados kapten ingkang saged paring semangat utawi panyurung dhumateng sedaya kanca lanyunioripun, saengga Spanyol saged ngrebut Piala Eropa malih sasampunipun krisis juara sadangunipun 44 taun. Ing taun 2010, nalika Spanyol dados juara dunia, Casillas ugi dipunparingi kanugrahan minangka kiper paling sae.
Casillas kalebet kiper paling sae ing wewengkon Eropa, lan panjenenganipun asring pikantuk kanugrahan. Casillas nate angsal nominasi ing adicara Ballon d'Or. Casillas dados kiper paling sae nomer sekawan ing taun 2008, lan ing taun 2009 dados kiper paling sae ing Eropa. Taun 2010, Iker Casillas angsal kanugrah ing adicara The Sport Prince of Asturias Award. Tanggal 19 Oktober 2010, Casillas dipunparingi kanugrahan minangka kiper paling sae salaminya ing ajang Liga Champions UEFA.
Casillas miwiti karieripun ing klub kutha kelairanipun nalika umur 8 taun. Casillas dados pemain timnas rumaja Spanyol ingkang menangaken kajuaraan UEFA-CAF Meridian Cup lan Piala Dunia U-20 FIFA ing taun 1999. Iker Casillas nggadhahi inggil 185 cm. Casillas wiwit main ing klub Real Madrid ing La Liga musim 1999 /2000. Casillas mratelakaken menawi ing wekdal salajengipun panjenenganipun pengin pensiun utawi purna tugas ing tim Real Madrid, lan saged ndherek mbiyantu Real Madrid.
0 comments:
Posting Komentar